Carlos Gardel
Un article de Wikipèdia, l'enciclopèdia liura.
Carlos Gardel, famós cantaire e autor de tangò. Qu'ei, de segur, nascut Charles Gardes Tolosa en Occitània, lo 11 de decembre de 1890 (a maugrat qui agi avut ua controversa suu lòc e la data de la soa neishença, debuda, mei que mei, a la nececitat entàd eth, de viatjar dab faus documents per'mor d'aver pas arrecotit en Euròpa entà har la guerra de 14) dab lo nom de Charles Romuald Gardès, e que s' morí en un accident d'avion a l'aeropòrt de Medellín en Colombia lo 24 de Junh de 1935. La soa mair qu'emigré en Argentina e Gardel que creishó a Buenos Aires en un barri nomentat pr'amor deu son marcat: "El Abasto". Per aquesta rason (e tanben per'mor qu'era moret) qu'ei recebó lo chafre "el morocho del abasto" (qu'ei tanben coneishut com "el zorzal criollo", la trida argentina). La soa carrièra que comencè en duo dab lo cantaire "el oriental" José Razzano. Puish que hasó l'actor en Euròpa e en America e que tribalhé per la companhia americana Paramount ("El dia que me quieras", "Tango Bar", "Melodia de arrabal", "Cuesta abajo"). Aquestes filmes que s' filmén aus Estats Units e en Euròpa, quitament quan l'accion e s'escad a Buenos Aires. Aquò que balhé lo parat a un mainatge nomat Astor Piazzola (lo famós compositor qui, alavètz, e s'estava, aus Estats Units) de debutar au cinèma en El dia que me quiera. Mantuns deus tangos que canté Gardel en los sons films qu'èran òbras d'Alfredo Le Pera. Qu'ei sepelit au cemitèri de la Chacarita on los visitaires alucan ua cigarreta que hican enter los dits de la soa estatua. Que s' morí joen e au som de la soa carrièra artistica.
Enter las soas mei famosas cançons que podem mentàver:
- "El dia que me quieras"
- "Pobre mi madre querida"
- "Silencio" (un tango sus la guerra de 14 en França).
- "Yira Yira"
- "Viejo Smoking"
- "Enfundá la mandolina"
- "Mano a Mano"
- "Canchero"
- "Rubias de New York" (fòx tròt)
- "Tomo y obligo"
- "Cuesta abajo",
- "Volver"
- "Mi Buenos Aires querido".
