Vestmannen

Frå Wikipedia – det frie oppslagsverket

«Vestmannen» kan visa til fleire ulike emne, sjå Vestmannen (fleirtyding) for meir informasjon.

Vestmannen er eit kultur- og målpolitisk blad, redigert på høgnorsk. Bladet er gjeve ut frå 1984, og kjem ut med seks nummer for året. Utgjevaren er Vestmannalaget i Bergen. Bladstyrar per 2005 er Kjell Kjerland.

[endre] Historie

Vestmannen vart grunnlagd av Jostein Krokvik i 1985 [1]. Krokvik var bladstyrar fram til 2000 då han fekk avløysing av Lars Bjarne Marøy [2]. Ved årtusenskiftet braut det ut ein hardsett strid i Vestmannalaget som byrja med at Lars Bjarne Marøy vart avsett som formann i Vestmannalaget og deretter som bladstyrar for Vestmannen. Grunngjevinga styret kom med for å avsetja Marøy var mellom anna at den tidlegare formannen Ludvig Jerdal hadde kritisert bladet for å vera for lite fokusert på det indre livet i Vestmannalaget [3] [4] [5]. Etter at Marøy var avsett, vart utgjevingsruta kutta ned frå 10 nummer i året til seks nummer årleg og Krokvik sett inn att som bladstyrar. Avsetjinga av Marøy førde til ei varig kløyving i høgnorskrørsla der tidlegare skribentar og medarbeidarar i Vestmannen braut ut og gjorde opptak til det målpolitiske tidsskriftet Målmannen.

[endre] Eksterne lenkjer

Bladsoga åt Vestmannen. Skrivi av redaktør Lars Bjarne Marøy i år 2000.