Toralv Maurstad
Frå Wikipedia – det frie oppslagsverket
Toralv Maurstad vart fødd i 1926. Han er kjend som skodespelar, regissør og teatersjef. Toralv Maurstad er sonen til Alfred Maurstad. Han tok utdanning som skodespelar ved Royal Academy of Dramatic Art i London, og debuterte ved Trøndelag Teater i 1949. Han fekk gjennombrotet sitt som Holt i Det lykkelige valg. Han var tilsett ved Det Nye Teater i perioden 1951-1954, og var ved Nationaltheatret i perioden 1954-1967. Maurstad var teatersjef for Oslo Nye Teater i perioden 1967-1978, og for Nationaltheatret i åra 1978-1986. Etter 1986 har han vore frilansar. Han er óg godt kjend for rolla si som Georg Anker-Hansen i TV2-serien Hotel Cæsar.
I 1974 vart Toralv Maurstad slått til Ridder 1. klasse av St. Olavs Orden og tok i 1991 imot Hedda-statuetten for sin årelange innsats for norsk teater.