Sæbø
Frå Wikipedia – det frie oppslagsverket
Sæbø er eit norsk gardsnamn som er vanleg frå Ryfylke til Romsdalen. Namnet tyder truleg «sjøbøen» eller «sjøgarden». Sæbø kan altså vera ein gard eller del av ein gard som ligg ved sjøen. Namnet Sæbø vert òg nytta som etternamn.
Sæbø er eit namn på ein tidlegare norsk kommune på Radøy i Hordaland fylke, i Nordhordland. Sæbø vart eigen heradskommune frå 1924, då Sæbø sokn vart utskilt frå Manger kommune. Kommunen fekk namn etter kyrkjestaden Sæbø på Radøy. I 1964 gjekk Sæbø kommune inn i den nye Radøy kommune, saman med kommunane Hordabø og Manger. Kommunen låg i Nordhordland, og før 1964 grensa Sæbø mot kommunane Meland og Herdla i sør, til Hjelme i vest, til Manger i nord og til Alversund kommune i aust.
Sæbø er største tettstaden i tidlegare Hjørundfjord kommune, no i Ørsta kommune i Møre og Romdal fylke. Sæbø ligg nederst i Bondalen i ei bukt midt i Hjørundfjord.