Idar Lind

Frå Wikipedia – det frie oppslagsverket

Idar Lind (fødd 23. september 1954) er ein norsk forfattar, dramatikar og diktar.

Innhaldsliste 1 Biografi 2 Skodespel 3 Romanar og andre utgjevingar 4 Prisar 5 På verdsveven

[endre] Biografi

Lind vaks opp på Otterøya ved Namsos. Han er utdanna Cand. mag. med faga kjemi, biologi og drama / film / teater. Lind var medlem av visegruppa JeremiA/S Bakfot i 1976-1980. Han var tilsett som organisasjonssekretær i Norsk Vise- og Lyrikkforum i perioda 1980-1981 og redaktør for medlemsbladet til Den norske Forfatterforening 1988-1991. Han var medlem av styret for Tekstforfattarfondet 2000-2004. Styremedlem i Den norske Forfatterforening 1994-2000. Etablerte Litteraturnettet i 1995.

Lind debuterte som romanforfattar i 1983, som dramatikar i 1990. Lind sine skodespel er oppført mellom anna på Trøndelag Teater og Det norske teateret. Eitt av skodespela er filmatisert for fjernsyn av NRK. Han har skrive visetekstar og songtekstar for mellom anna D.D.E. og teater.

Som krimforfattar har Lind skrive under eige namn og under pseudonyma António Steen og Telma B.S. Hansen. Overkonstabel Telma B.S. Hansen og nattportier Steen opptrer både som hovedpersonar i bøkene og forteljarar av eigne og kvarandre sine historiar. Bøkene refererer ofte til eit felles miljø kring Trondheim politikammer. Det same miljøet vert skildra av forfattarane Fredrik Skagen, Kim Småge og Anne Birkefeldt Ragde. Lind sine romanar inneheld mykje kulturhistorie knytt til Trondheim i tida frå 1980 til 2000.

[endre] Skodespel

• En mann må gjørra de'n må – (1990) (Saman med Lasse Kolsrud og Petter Wiik)
• Gjengen eller ingen (1991)
• Fars lille pike – (1993) (Saman med Hege Eugenie Tokle og Elin Hassel Iversen)
• Ska du bygg en by (1995)
• Korsvikaspillet (1995)
• Sangen fra Utvær (1995)

[endre] Romanar og andre utgjevingar

• Bakfot bok – Visehefte (1980)
• Stengte dører – Roman (1983)
• Hotell Tordenskjold – Kriminalroman (1985) (1. pris i Aschehoug sin konkurranse om beste spenningsbok)
• Vår egen lille verden - Studentersamfundet i Trondhjem 1910-85 – Sakprosa (1986) (Saman med Gunnar Strøm)
• Ormens gift – Kriminalroman (1986)
• Drakeblod - Det kvite spydet – Ungdomsroman/Fantasy (1988)
• 13 takters blues – Kriminalroman 1989
• Drakeblod - Vegen til Åsgard – Ungdomsroman/Fantasy 1989)
• Drakeblod - Den siste dronninga – Ungdomsroman/Fantasy (1991)
• En mann må gjørra de'n må – Drama, manus 1992
• Usynlige spor – Kriminalroman (1994)
• Hysj! – Kriminalroman (1996)
• Kark – Roman (2000)
• Norrøn mytologi frå A til Å – Sakprosa (2005)

[endre] Prisar

• Naumdøla Mållag sin målpris for (1986)
• Rivertonprisen (1989), for 13 takters blues

[endre] På verdsveven

• Idar Lind sine heimesider
• Spelhandboka.no – Interaktivt hjelpemiddel for den som planlegg ei oppsetting av eit historisk spel eller andre teaterproduksjonar. Ved Idar Lind, Ingeborg Eliassen og Egil Johansen