Hvaler

Frå Wikipedia – det frie oppslagsverket

Våpen	Kart
Grunnleggjande opplysningar
Kommunenr:	0111
Fylke:	Østfold
Administrasjonssenter:	Skjærhalden
Flatevidd:	87 km²
Folketal:	3 694 (2004)
Målform:	Bokmål
Internettside:	www.hvaler.kommune.no
Politikk
Ordførar:	Paul Henriksen (Ap) 2003-2007

Hvaler er ein kommune sørvest i Østfold fylke, ytst i Oslofjorden. Hvaler er ein øykommune som ligg på austsida av fjorden, sør for Fredrikstad. Kommunen vert utgjort av 833 øyar, holmar og skjér (alle over 20 m²). Største tettstad er kommunesenteret Skjærhalden, som ligg på Kirkeøy. Frå Skjærhalden til Fredrikstad er det om lag 28 km. Om sommaren mangedoblast innbyggjartalet om ein reknar med alle hyttegjestene. Den største primærnæringa er fiskeri (i 1990 var 8% av 1452 yrkesaktive innan fiske). Største hamn på Hvaler er Utgårdskilen, som er den største fiskehamna aust for Lindesnes.

Kommunen har riksvegsamband (riksveg 108) til Fredrikstad. Sambandet vart bygd ferdig med fyllingar og bruer frå fastlandet til Asmaløy i 1971, og tunnel (3755 m lang, 120 m djup) under sundet Løperen vidare til Kirkeøy i 1989. Det er båt- og ferjesamband frå Skjærhalden til Nordre Sandøy, Søndre Sandøy, Herføl og Lauer, og rutebåt til Strömstad i Sverige.

[endre] Større øyar og øygrupper

• Akerøya 1,6 km²
• Asmaløy 9,1 km²
• Herføl 1,9 km²
• Kirkeøy 29,6 km²
• Lauer
• Papper 2,1 km²
• Nordre Sandøy 2,4 km²
• Singløy 2,2 km²
• Spjærøy 8,0 km²
• Søndre Sandøy 4,2 km²
• Tisler
• Vesterøy 15,2 km²

[endre] På verdsveven

• Hvaler.Net
• Kommunefakta Østfold frå Statistisk Sentralbyrå
• Hvaler kommune sine heimesider

Østfold Aremark | Askim | Eidsberg | Fredrikstad | Halden | Hobøl | Hvaler | Marker | Moss | Rakkestad | Rygge | Rømskog | Råde | Sarpsborg | Skiptvet | Spydeberg | Trøgstad | Våler

Denne geografiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han. Sjå òg: Oversyn over geografispirer.