Den 17de Mai
Frå Wikipedia – det frie oppslagsverket
Den 17de Mai var namnet på ei norsk avis i tida 1894 til 1935. Bladet var oppkalla etter den norske grunnlovsdagen 17. mai. Avisa hadde undertittelen "Norskt Folkeblad". I 1935 skifta avisa namn til "Norsk Tidend". Landsmål var hovudmål i avisa, avisa er difor vorte kalla ei "målavis" eller "norskdomsblad".
Tysdag 9. januar i 1894 kom fyrste utgåva av "Den 17de Mai". Arne Garborg og Rasmus Steinsvik gjorde opptak til bladet. Hulda Garborg døypte bladet, og Arne Garborg vart med i bladstova (redaksjonen). Dei same personane var òg knytt til "Fedraheimen".
"Den 17de Mai" kom i fyrstninga ut "kver tirsdag, thorsdag og laurdag" og kosta kr. 1,10 "fjordungaaret" (kvartalet), kr. 6,10 til Amerika, "send 1 gong um vika". I 1910 var bladet mellom dei med mest tingarar i heile landet. Frå 1914 kom bladet ut dagleg. Slik fekk ein eit dagleg nynorsk riksorgan.
[endre] Bladstyrarar (redaktørar)
- Rasmus Olai Steinsvik frå 1893 til han døydde i 1913.
- Andreas Haavoll frå 1913 til 1917
[endre] Nettlenker
- Herbjørn Sørebø i Dag og Tid om Steinsvik som bladmann
- Nasjonalbiblioteket om "Den 17de Mai".
- Rasmus Olai Steinsvik målmann, journalist, forfatter, redaktør
[endre] Litteratur
- Dalhaug, Ole: Den 17de mai : Rasmus Steinsvik 1863-1913, 1997.
- Gausemel, Steffen: Rasmus Steinsvik, hovudoppgåve i norsk. Universitetet i Oslo 1937.
