Montana

From Wikipedia

Montana is en Bundsstaat van de USA.

Mit 380.700 km² is Montana der veertgröttste Bundstaat un sogor ’n beten grötter as Düütschland, aber veel Lüüd leven dor nich; 2002 harrn se man ruch weg 909.453 Inwahners.

Montana höört to de Bargstaaten (Montain States), wat man so seggen deit, wiel dat Gebiet van de Rocky Montains dörqueert wurd. De Staat wurd ok Schatzstaat (Treasure State) nömmt, wiel dor temek veel Bodenschätze sünd, so as Eerdööl, Köhlen, Kopper, Sülver un Gold.

Montana is 1889 in de USA as 41. Staat intreden.

Inholtsverteken 1 Inwahners 2 Städer 3 Attrakschonen 4 Wichtig Lüüd 5 Weblenken

[Ännern] Inwahners

To 90,6 % besteiht de Bevölkerung ut „Witte“, mit en wiet Afstand folgt denn de Indianers (6,2 %) un Latiensch-Amerikaaners (2 %). De bedüüdenst Indianerstammen sünd de Assiniboine, Blackfoot, Cheyenne, Absarokee, Flathead und Anishinabe. Ruch weg twee Drittel dorvan leevt hüttodag in Reservatschonen.

[Ännern] Städer

De gröttste Städer van Montana sünd (Stand: 2004):

• Billings (97.977 Inwahners)
• Missoula (61.790 Inwahners)
• Great Falls (56.503 Inwahners)
• Bozeman (32.414 Inwahners)
• Butte-Silver Bow (32.393 Inwahners)
• Helena (27.196 Inwahners) - dat is ok de Hööftstadt
• Kalispell (17.381 Inwahners).

[Ännern] Attrakschonen

Besünners to erwänen sünd de beid Natschonalparks, nämlich de Glacier-Natschonalpark in’n Noorden un de Yellowstone-Natschonalpark in’n Süden. Ok de Slacht an’n Little Bighorn River weer in Montana. Ok disse Platz kiekt sük veel Lüüd an.

[Ännern] Wichtig Lüüd

Wichtig Lüüd, de ut Montana stammen sünd:

• Gary Cooper (US-amerikaansch Schauspeler)
• Plenty Coups (Indianerhööftling)
• Myrna Loy (US-amerikaansch Schauspelersch)
• Levi Leipheimer (US-amerikaansch Profi-Radrennfohrer).

[Ännern] Weblenken