Insel

From Wikipedia

Een Insel is een Lann, wat an all Sieden Water hett un wat lütter is as een Eerddeel.

Lütte Inseln hebbt ok anner Namens: Warder un Werder, wat Inseln in een Stroom sünd. Oie, wat vun dat dänsche Ö kümmt. Dat dormit verwandte fraasche Suffix -oog un -ooge steiht ook för Insel, t.B. Langeoog, Norderoog, Spiekeroog.

Wenn een Insel bi hooge Stormflood ünnergahn kann, denn is dat een Hallig. Un wenn dat ook süns passert un dor nich jümmers een op wahnt, denn snackt wi vun Sand.

De gröttsten Inseln op de Eer sünd Grönland, Nieg Guinea un Borneo.

Inseln in de Nordsee sünd t.B. Helgoland, Römö, Fanö, Mandö, Sylt, Amrum, Nordstrand, Pellworm, Föhr, Hallig Hooge, Hallig Langeneß, Nieg Wark, Langeoog, Wangerooge, Spiekeroog, Schiermonnigkoog, Texel.

In de Ostsee sünd t.B. Laesö, Seeland, Fünen, Aerö, Fehmarn, Mön, Falster, Lolland, Poel, Rügen, Usedom, Wollin, Bornholm, Gotland, Öland, Ösel.

Dat gifft ok beröhmte Eilannen un Inselkeden in den Pazifik, so as Hawaii, Tahiti, Samoa un Tonga.