Hamborg-Mitt
From Wikipedia
De Bezirk Hamborg-Mitt is nich bloots de Binnenstadt, man he treckt sick von'n Öjendörper See an de oosten Lannesgrenz bit no de Insel Neßsand ganz in'n Westen.
De Bezirk hett 227.915 Inwohners (in't Johr 2002) un hett 'n Fläch von 107,1 km² (kannst in de hochdüütsche Wikipedia nolesen).
To düssen Bezirk höört natürlich de Hamborger Oold- un Niestadt un de freuhern Vörort St. Pauli un St. Georg; denn de Freehoben in de Stadtdeel Kloostertor, Lütt Grasbrook un Steenwarder, un glieks blang den Freehoben de Veddel. Wieder de Elv rünner noch Waltershoff un Finkwarder, överhalf von de Elvbrüggen Rodenborgsort (freuher mit veel Binnenschipperee) un Hammerbrook, un no Oosten hen Hamm, Horn un Billstedt mit de Plattenbuuseedlung Mümmelmannsbarg.
In de Tostännigkeit von den Bezirk Mitte fallt obers ook de Natschonolpark "Hamburgisches Wattenmeer" mit de Insel Niewark. De Toorn op disse indiekte Hallig is dat öllste Buuwark von Hamborg.
[Ännern] Weblinks
- Stadt Hamborg: Bezirk Mitte
- http://www.rothenburgsort.info/
- In de hochdüütsche Wikipedia: Ooldstadt, Niestadt, St. Pauli, St. Georg, Hoben, Rodenborgsort, Hammerbrook, Finkwarder
