Guillaume Franc
From Wikipedia
Guillaume Franc (* üm un bi 1505 in Rouen; † 1570 in Lausanne) weer een franzöösche Komponist un hett an den Psalter vun Genf mitarbeit.
1541 hett he een Musikschool in Genf upmaakt. Later hett he Kinner in de Stadtgemeende Saint-Gervais Ünnerricht in dat Psalmensingen geven. An dat Collège de Rive hett he Singen lehrt. 1545 is he nah Lausanne gahn un is dor Kantor an de Kathedraal un Schoolmeester an de Akademie wurrn.
