Base
From Wikipedia
Een Base is in de Chemie dat Tegendeel vun een Süür. De Base is defineert as Protonenakzeptor, dat heet, dat een Base een H+-Ion, wat nix anners as een Proton is, opnehm kann.
Wenn een Base in Water oplöst ward, denn gifft dat een Laug.
Kennte Basen sünd
- NaOH, dat Natriumhydroxid, wat in Water de Natronlaug gifft.
- KOH, dat Kaliumhydroxid, wat in Water de Kalilaug gifft.
- NH3, de Ammoniak, wat een Gas is, wat sick good in Water oplöst.
Süür un Base hangt tosomen. Wenn een Süür een Proton afgifft, denn kümmt dor de konjugeerte Base rut:
HCl + H2O ---> Cl- + H3O +
Dorbi is Cl- (dat Chlorid-Anion) de konjugeerte Base to de Soltsüür.
As Regel kann een dorvun utgahn: Een starke Süür gifft een swacke konjugeerte Base, een swacke Süür een starke konjugeerte Base.
