കമ്പ്യൂട്ടര് മൗസ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
മൗസ് എന്നാല് കമ്പ്യൂട്ടറുകള്ക്കുള്ള കൈയിലൊതുങ്ങുന്ന പോയിന്റിങ്ങ് ഡിവൈസസും (ചൂണ്ടിക്കാണിക്കാനുള്ള ഉപകരണം), ഇന്പുട്ട് ഡിവൈസും ആണ്. അത് കൈയിനടിയില് ഒതുങ്ങുന്നവണ്ണം രൂപീകരിക്കപ്പെട്ട ഒന്നോ കൂടുതലോ ബട്ടനുകളുള്ള ഒരു ചെറിയ ഉപകരണം ആണ്. മൗസിന്റെ അടിവശത്ത് അതിരിക്കുന്ന പരന്ന ഉപരിതലവുമായി താരതമ്യപ്പെടുത്തി അതിന്റെ ചലനം നിര്ണയിക്കാനുള്ള ഒരു ഉപകരണം ഉണ്ട്. മൗസിന്റെ ചലനം ഡിസ്പ്ലേയിലെ ഒരു ബിന്ദുവിന്റെ ചലനമായി വ്യാഖ്യാനിക്കുന്നു. (പോയിന്ററും കര്സറും രണ്ടാണ്.)
അതിന് മൗസ് എന്ന പേര് ലഭിച്ചത് ആദ്യകാലത്തെ മൌസുകളില് നിന്നും കമ്പ്യൂട്ടറിലേക്കുള്ള വയര് (വിദ്യുത് ചാലകം) എലികളുടെ വാല് പോലെയിരുന്നതിനാലാണ്. മാത്രമല്ല, പോയിന്ററുടെ ചലനം ഒരു എലിയുടെ ചലനം പോലെയുള്ളതുകൊണ്ടും ആകാം.