Диен

Од Википедија, слободна енциклопедија

Диени или алкадиени се незаситени јаглеводороди кои во својата структура содржат две двојни врски. Бидејќи диените имаат една двојна врска повеќе од алкените, бројот на водородни атоми кај нив ќе биде за два помал отколку кај соодветниот алкен. Според тоа, општата формула на хомолошката низа на диените ќе биде C_nH_2n-2, каде n е 3, 4, 5...

На пример, молекулската формула на алкенот со 7 јаглеродни атоми е C₇H₁₄, а молекулската формула на соодветниот диен е C₇H₁₂.

Содржина 1 Именување 2 Поделба 3 Хемиски реакции 4 Видете исто така

[уреди] Именување

Номенклатурата на диените е слична со онаа на алкените, со таа разлика што наместо наставката -ен се додава наставката -адиен. Всушност, кон коренот на името на соодветниот алкан се додава наставка -а (на пример хекса), со броеви се запишува местоположбата на двојните врски, а потоа се додава наставката -диен.

[уреди] Поделба

Според заемната местоположба на двојните врски во молекулот, диените се поделени во три групи:

• Диени со кумулирани двојни врски (кумулени) - диени кај кои двојните врски се на соседни C-атоми, т.е. еден од C-атомите е сврзан со две двојни врски.
• Диени со конјугирани (спрегнати) двојни врски - диени кај кои меѓу двете двојни врски има единечна врска
• Диени со изолирани двојни врски - кај кои меѓу двете двојни врски има повеќе единечни врски.

[уреди] Хемиски реакции

Кај конјугираните диени можни се следните реакции:

• Електрофилна адиција
• Полимеризација.

[уреди] Видете исто така

• Алкан
• Алкен
• Полиен