Архангел
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
Архангел е македонска рок група основана во февруари 1989. Оригиналната постава е : Ристо Вртев - водечки вокал и автор на музиката и текстовите; Драган Гиновски - гитара; Петар Јанков - бас гитара и Димитар Димовски - тапани. Благодарејќи на претходната репутација на Ристо Вртев (како еден од членовите на култниот Мизар) бендот веднаш привлече големо внимание. Првите живи настапи на Архангел беа на најголемите рок - фестивали во поранешна Југославија - Суботица и ЈУРМ. И критиката и публиката беа воодушевени.
Првиот албум едноставно наречен "Архангел" беше издаден 1991 година за белградска издавачка куќа. Истата година уредниците на 60 рок-магазини и радио емисии гласаа за своите фаворити и "Архангел" беше прогласен за "најдобар деби-албум", "најпријатно изненадување", и албумот се најде на петото место во категоријата најдобар албум. По издавањето на првиот албум почна војната во Југославија, така што закажаната југословенска турнеја не се одржа.
Нивното второ издание "Архангел 2" беше објавен 1993 потврдувајќи ги Архангел како еден од најдобрите македонски групи. Во 1993 и 1994 се здобија со наградите за најдобар жив настап. Во 1995 година единствено издание на Архангел беше преработката на Husker Du класиката "Never talkin to you again" добивајки награда за најдобра песна и најдобар спот во 1995.
По подолга пауза, во април 1998 го издаваат третиот албум наречен Heartcore за издавачата куќа Трето Уво. На 12.12.1998 настапуваат на Скопскиот Саем пред околу 8.000 луѓе. Следуваат неколку настапи низ Македонија и учество на фестивалот Скопје Гори во мај 2000. Во ноември 2000 Lithium Records ги ре-издава сите албуми на Архангел. Првиот и вториот албум за прв пат се појавуваат на CD.
Концерти надвор од Македонија. Архангел имаше турнеја во Чехословачка 1990 (Брно, Братислава и 4 концерти во Прага); УНИЦЕФ концерт во Суботица 1992; свирка на European Broadcasting Union Rock Festival во Љубљана во 1994, турнеја низ Данска истата година, FIAT рок фестивалот во Подгорица, Црна Гора.
