Magnitogorsk
From Wikipedia
 |
Cheest artícul al è scrivüü in koiné uçidentala, urtugrafía ünificada. |
Magnitogorsk (in rüss Магнитогóрск) l'è una cità indüstriaal dela Rüssia (pruvincja de Cheljabinsk), in dii muunt Urali da la paart urientaal (Siberia), in sül fiümm Ural; la g'a una pupulazziun de 418.545 abitaant (censimeent 2002).
La citaa l'è nassüda in dii ann '30, cumé cunseguénza de la presénza de un muntún de minier de mineràj de fèr in de la zòna; Stalin g'a faa custrüii stabilimeent per lavuràll e l'a pupulàda cunt i lavuraduur dii stabilimeent (ca eren quasi tücc paisàn trapurtaa a lavurà in dii fabrich). La citaa l'è dunca muderna, e la g'a una strutüra tipica dii citaa-stabilimeent (ch'inn sta custrüii anca in olter part de la vègja Üniun Suvietica), cunt i abitazziun propi a reent dii stabilimeent.
Daj sò stabilimeent a inn vegnüü föra la metà dii prujetil duperaa da l'Armada Rusa in dela segunda guèra mundiaal.
Al dì d'incöö de mineràj de fèr ga n'è püü; adèss i rüss a i importen da i giacimeent del visín Kazakhstan.
La cità la g'a un aerupòort e trì üniversità.
