Latitüdin
From Wikipedia
 |
Cheest artícul al è scrivüü in koiné uçidentala, urtugrafía ünificada. |
La latitüdin l'è la cuurdinata geugrafica ca la curespuunt al'altèzza del polu celèst sül'urizuunt; l'è dada dal'angul tra la vertical d'un punt in süla süperfiss dela Tèra e ul piàn equaturiaal dela Tèra. Cumé la lungitüdin, l'è misürada in gradi, e la va da 0° (Equatuur) a 90°N (Polu Nòort e da 0° a 90°S (Polu Süüt).
Düü punt dela süperfiss dela Tèra ca g'ann la stèssa latitüdin sa diss ch'inn sül stèss paralel; vist ca la Tèra l'è minga na sfera perfèta, ma l'è un pù scüscjada ai Poli, i paralel inn no dii cerch perfètt ma pütòost inn dii uvai (eliss).
In pratica, la latitüdin la sa calcula vardaant l'altèzza in sül'urizuunt dela Stèla Pular in del'emisferu nòort, dela Cruss del Süüt in del'emisferu süüt.
