Weimeschkëppchen
Vu Wikipedia, der fräier Enzyklopedie.
D'Weimeschkëppchen ass déi lescht Kopp an der Rei op der nordwestlecher Säit vu Keel, also de leschten Ausleefer vun de Vogesen. Seng héchste Plaz huet 391 Meter iwwer NN. Déi Koppen a Bierger ronderëm Keel an Téiteng ware fréier net esou mat Beem bewues wéi haut. D'Natur huet sech mat de Joren bal alles zeréckgeholl, wat fréier d'Biergaarbechter opgerappt haten.
Kee Wonner, datt et haut en Naturpark ëstlech vu Keel an Téiteng gëtt. D'Weimeschkëppchen läit tëschent Schëffleng a Keel an huet ee Geheimnis, wat nach net genuch ënnersicht ass: Et gëtt do eng al Siidlung vun de Kelten. Ët sinn och Verdeedegungsrempartë fonnt ginn.