Theseus
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
Den Theseus (Θησευς) ass ee vun de berühmtesten Helden aus der griichescher Mythologie.
Den Theseus war den Held vun Athen an e legendäre Kinnek vun der Stad. Verschiddene Sourcen no ass hien de Jong, entweder vum Poseidon oder vum Kinnek vun Athen Aigaios an der Aithra.
Inhaltsverzeechnes |
[Änneren] Gebuert vun engem Held
Ee Mythos vum Theseus senger Gebuert erzielt, datt den Aigaios no zwéi Bestiednisser ouni Kanner d'Orakel vun Delphi em Rot gefrot huet. Dem Orakel seng (wéi sou dacks onverständlech) Äntwert war "Du duerfs de Wäischlauch net opmaachen, bis du zu Athen bass". Den Aigaios huet de Sproch vum Orakel net verstanen, an huet sech op de Wee op Troizen bei de Kinnek Pittheas gemaach. Dëse war fir seng Weisheet berühmt. De Pittheas huet dann och d'Orakel verstanen, mee hien wollt datt seng Duechter d'Kand op d'Welt brénge soll. Dofir huet hien dofir gesuergt, datt den Aigaios no engem gudden Iessen mat vill Wäin eng Nuecht mat senger Duechter Aithra verbréngt. Wéi den Aigaios Moies nees erwecht, léisst hien seng Sandalen an säi Schwert beim Meedchen, an huet e grousse Fiels doriwwergerullt. Als Erklärung soot hien, falls d'Aithra e Jong ging kréien, dee staark genuch wir, de Fiels ewechzeréckelen, d'Sandalen unzedoen a sengem Papp säi Schwäert ze droen, dann soll hatt de Bouf op Athen schecken, wou hien e ging erkennen.
De Bouf soll säi Papp allerdéngs heemlech sichen, ouni datt d'Pallantiden eppes ginge matkréien an hien ëmbrenge gingen. D'Pallantiden woren d'Cousin'en vum Theseus, déi wossten, datt den Aigaios kee Jong hätt, an selwer op den Troun klamme wollten.
