Op Kneiff
Vu Wikipedia, der fräier Enzyklopedie.
Op Kneiff ass e Lieu-dit an der Uertschaft Wilwerdang, Gemeng Ëlwen, bannent deem eng Plaz mat 560m iwwer N.N. als héichste Punkt vum Lëtzebuerger Land beim Kadaster (Administration du Cadastre et de la Topographie) gefouert gëtt.
Kneiff läit geographesch op:
- 50° 09' 44" nërdlech
- 6° 02' 22" ëstlech
Bei topographesche Miessungen aus engem Fliger ass zu engem bestëmmten Zäitpunkt eng genee Héicht op engem bestëmmten Punkt vun engem Feld wat kultivéiert gëtt, gemooss ginn. Wëll weder déi genee Plaz vum héichste Punkt, nach eng genee Héicht festgeluecht kënne ginn, gëtt den héichste Punkt vum Land nëmmen a Meteren uginn.