Nagant Mod. 1895
Vu Wikipedia, der fräier Enzyklopedie.
Den Nagant Revolver Mod. 1895 staamt vun de belsche Bridder Emile a Léon Nagant (deen och um russesche Mosin-Nagant Gewier bedeelegt war). D'Produktioun goung 1895 zu Léck an der Belsch un an dräi Joer duerno och a Russland, wou de Revolver immens Verbreedung bäi Police, Arméi, NKWD a spéider och KGB fonnt huet. Duerch seng remarkabel Form a säin Numm krut en e gewësse Kultstatus, an esou verwonnert et net, datt seng Produktioun nach bis 1950 weidergoung, obwuel en zënter 1933 lues a lues duerch den TT-33 ofgeléist sollt ginn. Intressant ass, datt et zwou Versiounen dervu gouf, d'Single action fir déi einfach Zaldote an d'Double action fir d'Offizéier.
A Polen gouf e vun 1930 bis 1935 zu Broni mat den ale belsche Maschinnen an de Radomfabrike produzéiert. Dëst ënnert der Bezeechnung Ng 30 a baugläich mam Nagan 1895, bis op e méi breeden Doar vum Hummer an dem Ofzuch.
Den Nagant Revolver ass komplett gasdicht, wat en absëns fir de Gebrauch mat Schalldämpfer eegent. E komplizéierte Mechanismus dréckt bäi all Schoss d'Trommel no fir, esou datt d'Spléck tëscht Trommel a Laf komplett zou ass. Dowéinst ass och den eenzegaartegen 7,62 Nagant Kaliber (7,62×38R) erfonnt ginn, bäi deem d'Patrounenhüls bis iwwert d'Spëtz erausgeet. An d'Trommel gi bis zu siwe Patrounen, deer hir eidel Hülsen een nom Schéisse ganz onkammoud eng no deer anerer erausstousse muss, well een d'Trommel net erausklappe kann.
