Luxembourg Air Rescue

Vu Wikipedia, der fräier Enzyklopedie.

LAR Logo

Den MD Explorer 900 Helikopter LX-HRC vun der LAR zu Mamer

D’Luxembourg Air Rescue (kuerz LAR) ass eng gemengnëtzeg Organisatioun an déi eenzeg Lëtzebuerger Fluchgesellschaft am Beräich vun der Loftrettung. D’LAR ass en wichtegen Deel vum Lëtzebuerger Rettungsdéngscht.

[Änneren] Geschicht

18. Abrëll 1988 Grënnung vun der Luxembourg Air Rescue (LAR A.s.b.l.)
1. März 1989 De Fluchbetriib ass um Terrain vum Fluchhafe Findel mat engem geléinten Hélicopter opgeholl gin.
15. Juni 1989 Unerkennung vun der Stëftung Luxembourg Air Rescue als eng gemengnëtzeg Organisatioun duerch en Groussherzoglecht Reglement
1. November 1991 Intégratioun an de Lëtzebuerger Rettungsdéngscht SAMU, wat dësem erméiglecht, ënnerhalb vu max. 8 Minutten op all Punkt vu Lëtzebuerg ze sin.
Abrëll 1995 Den Iewgroussherzog Henri iwwerhëlt d’Schiirmherrschaft vun der LAR. Deen zweeten Hélicopter vum Typ Écureuil kënnt zum Asaatz
Mee 1995 Upassung vum LAR-Fluchbetriib un d’Bedingungen vun den internationalen Fluchriichtlinnen „JAR-OPS“
19. Juli 1996 Flottenwiessel: Asaatz vun zwee neien Hélicopter vum Typ „MD 900“ an d’Ouverture vun der zweeter Flugbasis „Ettelbréck“
November 1999 Deen éischten Ambulanzfliger vum Typ „King Air B200“ fir Réckféierungsflich ënnerhalb vun Europa an Nordafrika (LX-DUC) gët an Betriib geholl.

2 LAR Hélicoptere beim Start

Abrëll 2000 Den Ambulanzfliger vum Typ „Learjet 35A“ fir weltwäit Réckféierungsflich (LX-ONE) gët an Betriib geholl.
1. Januar 2001 Am Optrag an fir d’lëtzebuerger Police hëllt d’LAR en zousätzlechen Hélicopter vum Typ „MD 900“ a Betriib. All, fir dësen Hélicopter ufaallend Käschten gin vun der Police iwerholl.
9. Juli 2002 ISO 9001:2000-Zertifizéierung fir all Beräicher
September 2002 Ennerzeechnung vun enger Qualitéits-charte duerch déi fënnef féierend Loftambulanzorganisatiounen: Rega (CH), DRF (D), ADAC (D), Tyrol Air Ambulance (A) an LAR (L)
August 2003 Deen zweeten Ambulanzfliger vum Typ „Learjet 35A“ fir weltwäit Réckféierungsflich (LX-LAR) gët an Betriib geholl. Dësen Fliger ersetzt den Ambulanzfliger LX-DUC.
26. Dezember 2003 Op Ufroo vum lëtzebuergeschen Ausseministär, „Direction de la Coopération“, flitt d’LAR mat béiden Ambulanzjet’en an d’Äerdbiewerégioun „Bam“ am Iran. Zesumme mat der Rettungshondstaffel vum Lëtzebuerger Roude Kräiz leeschten se op der Plaz Katastrophenhëllef. Humanitär Asätz gehöieren zum Asaatzspektrum vun der LAR.
Februar 2004 Äerdbiewenhëllef an Marokko
Januar 2005 No der Tsunami-Katastrof huet d’LAR en eegent medizinescht Team an dat vun der Flutwell betraffend Gebidd geflunn, fir Hëllef ze leeschten.
März 2005 Den LAR-Hélihangar zu Ettelbréck gët ageweit an den Hélicopter „Air Rescue 2“ ass elo fest do stationéiert. Domat geet d’Asaatzbereetschaft am Éisléck an d’luucht, d’Käschten gin duerch deeglech Flich vun an op d’Basis Fluchhafe Findel gespuert.