Claudine Muno
Vu Wikipedia, der fräier Enzyklopedie.
D'Claudine Muno, gebuer den 2. Juli 1979, ass eng lëtzebuergesch Schrëftstellerin, Musekerin a Journalistin.
[Änneren] Biographesches
No hirer Première um Fieldgen studéiert d'Claudine Muno Geschicht an Anglistik um Centre universitaire an zu Stroossbuerg. Si mécht hir Maîtrise iwwer Lëtzbuerger Filmer iwwer den Zweete Weltkrich. Si schafft als fräi Mataarbechterin beim Wort a beim Télécran, an dann als Kulturredaktesch bei der Woxx.
Scho mat 16 Joer huet d'Claudine Muno hiren éischte Roman, The Moon of the Big Winds (op Englesch) geschriwwen. Et koume bis ewell véier Romaner (op Franséisch, Däitsch an déi zwéi lescht op Lëtzebuergesch), an zwee Kannerbicher no.
D'Claudine Muno ass och am Theater aktiv, wou se e Stéck, Speck, geschriwwen a komponéiert huet, an huet och Regieassistenz gemaach. Och als Sängerin a Komponistin ass se aktiv, se huet bis ewell dräi CDen erausginn.
[Änneren] Gielercher
- Prix littéraire national 2000 (fir Crickets)
- Prix Servais 2004 (fir Frigo).
[Änneren] Bibliographie
- Muno, Claudine: The Moon of the Big Winds. Esch/Sauer: Op der Lay, 1996.
- Muno, Claudine: Träume, aus denen man zu spät aufwacht. Esch/Sauer: Op der Lay, 1997.
- Junker, Pascale a Muno, Claudine: Dem Zoe seng Geschichten. Esch/Sauer: Op der Lay, 1998.
- Junker, Pascale a Muno, Claudine: D'Zoe, Draachen a Siweschléifer. Dem Zoe seng Geschichten 2. Esch/Sauer: Op der Lay, 1999.
- Muno, Claudine: 21. Esch/Sauer: Op der Lay, 1999.
- Muno, Claudine: De Fleeschkinnek. Esch/Sauer: Op der Lay, 2002. Zweet Oplo September 2005.
- Muno, Claudine: Frigo. Esch/Sauer: Op der Lay. 2003. (Prix Servais 2004)
- Muno, Claudine: Koma. Esch/Sauer: Op der Lay, 2005.
[Änneren] Discographie
- Muno, Claudine: Fish out of Water. (Maxi CD) Esch/Sauer: Op der Lay, 1998.
- Claudine Muno and The Luna Boots: faith + love + death. Maskénada, 2004.
- Claudine Muno and The Luna Boots: Monsters, 2006, Op der Lay, 13 Lidder op Lëtzebuergesch, Franséisch an Englesch.
