Insubria
E Vicipaedia
Ut multi viri docti Latinis litteris opinantur, Langobardia etiam Insubria vocari potest, quia Insubres in Gallia Cisalpina Transpadana ab oriente Ticini fluminis incolebant. Nostra aetate Regio Insubrica Ticini regionem Helveticam cum Italicis provinciis finitimis comprehendit: in Helvetia pagus Ticinus, in Pedemontio Verbani, Cusi et Terrae Oscelensis provincia, in Langobardia Bareti et Novi Comi provinciae Insubriae partes sunt.