Andreas Celsius
E Vicipaedia
Andreas Celsius (Suedice: Anders Celsius) 27 Nov. 1701 oppido Ovanåker nomine natus, 25 Apr. 1744 Upsaliae ex tuberculose mortuus, astronomus suecianus.
Celsius erat professor scientiae astronomicae apud Universitatem Upsaliensem ex anno 1730 usque ad 1744, sed itinera annis 1732-1735 faciebat ut observatoria notanda in Germania , Italia, et Francia visitaret.
Anno 1733 Norimbergae 316 observationum aurorae borealis collationem, a se cum aliis factarum inter annos 1716 et 1732, in medium protulit.
Parisiis suadebat methodum arcus meridialis in Lapponia metendi, et denique anno 1736 expeditionem in eam rem, sumptibus Regiae Scientiarum Academiae Francogallicae, duxit.
Celsius inter alios Observatorium Astronomicum Upsaliense anno 1741 condidit. Maxima causa famae suae hodie est scala temperaturae, nomen suum ferens, quam primum in commentationem apud Regiam Societatem Scientiarum Upsaliensem anno 1742 datam proposuit.
