მთიულეთი
ვიკიპედიიდან
მთიულეთი საქართველოს ისტორიულ-გეოგრაფიული მხარეა. იგი მოიცავს თეთრი არაგვის ხეობას და მის გვერდით ხევებს - ამირთხევს, ხარხელთხევს, ჩოხელთხევს, ხადისხევს და სხვა. ისტორიულად მთიულეთის ტერიტორიაზე ძველთაგანვე არსებობდა ხადისა და ცხავატის თემები.
ამ კუთხის უკიდურეს სამხრეთ მიჯნას წარმოადგენს შავი და თეთრი არაგვების შესაყარი ადგილი დღევანდელ დაბა ფასანაურთან, ჩრდილოეთით საზღვარი აღწევს თეთრი არაგვის სათავემდე და ჯვრის უღელტეხილამდე. მთიულეთს ესაზღვრება: აღმოსავლეთით - გუდამაყარი, სამხრეთით - ხანდო, დასავლეთით - ცხრაზმა და ჩრდილოეთით - ხევი. მთიულეთის დიდი ნაწილი დღეს მოქცეულია დუშეთის რაიონში, მცირე - ყაზბეგის რაიონში და ადმინისტრაციულად იყოფა ფასანაურის, ქვეშეთის და გუდაურის საკრებულოებად. მთიულეთის ცენტრად ითვლება დაბა ფასანაური.