ყაზბეგის რაიონი
ვიკიპედიიდან
ყაზბეგის რაიონი - ადმინისტრაციული რაიონი მცხეთა-მთიანეთის მხარეში. რაიონის ტერიტორია 1917 წლამდე ტფილისის გუბერნიის დუშეთის მაზრის ქვეშეთის უბნის შემადგენლობაში შედიოდა, 1917-30 წლებში - დუშეთის მაზრაში, 1930 წლიდან ცალკე რაიონია. რაიონის ჩრდილოეთი საზღვარი ემთხვევა საქართველო-რუსეთის სახელმწიფო საზღვარს.
სექციების სია |
[რედაქტირება] ბუნება
ყაზბეგის რაიონის მდებარეობს კავკასიონის ორივე მხარეს, რომელიც ერთმანთთან ჯვრის უღელტეხილითაა დაკავშირებული. ჩრდილო ფერდობები მოქცეულია თერგის აუზში, მოიცავს თრუსოს, ბაიდარის, სნოსწყლის და დარიალის ხეობებს, ხოლო სამხრეთი ფერდობები - თეთრი არაგვის სათავეებში. ტერიტორია - 1082 კვ.კმ., მათ შორის სასოფლო-სამეურნეო სავარგულებს უკავია 400 კვ.კმ. რაიონის ტერიტორიაზე მიედინება მდინარეები თერგი, სნოსწყალი, თეთრი არაგვი.
[რედაქტირება] მოსახლეობა
მოსახლეობის რიცხოვნობა - 5,3 ათასი კაცი; სიმჭიდროვე - 5 კაცი კვ.კმ-ზე. რაიონში 40 დასახლებული პუნქტია: 1 დაბა და 39 სოფელი.
[რედაქტირება] მმართველობა
რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:
- დაბის საკრებულო - : ყაზბეგი;
- თემის საკრებულო - 5: გორისციხე, გუდაური, კობი, სიონი, სნო.
[რედაქტირება] ეკონომიკა
წამყვანი დარგია სოფლის მეურნეობა, მათ შორის ძირითადია მეცხოველეობა (მეცხვარეობა და მესაქონლეობა). სასათბურე მეურნეობებში მოჰყავთ აგრეთვე ბოსტნეული. რაიონის ტერიტორიაზე გადის რუსეთთან დამაკავშირებელი საქართველოს სამხედრო გზა. აქ მდებარეობს სამთო-სათხილამურო ტურისტული ცენტრი გუდაური.
[რედაქტირება] კულტურა
რაიონში 11 სახელმწიფო ზოგადსაგანმანათლებლო სკოლაა, 11 ბიბლიოთეკა, 1 თეატრი და 1 მუზეუმი (ყაზბეგის მხარეთმცოდნეობის მუზეუმი).
[რედაქტირება] ღირსშესანიშნაობანი
ყაზბეგის რაიონში მდებარეობს ადრინდელი და განვითარებული ფეოდალური ხანის ბაზილიკები (გარბანი, სიონი, სნო), კოშკები (ბეთლემი, სიონი, ფანშეტი), ციხეები (დარიალის) არქეოლოგიური ძეგლები, გუდაურის სათხილამურო კურორტი.
მცხეთა-მთიანეთის მხარე | |
ახალგორის რაიონი | დუშეთის რაიონი | თიანეთის რაიონი | მცხეთის რაიონი | ყაზბეგის რაიონი |