Anoman
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi
Anoman iku paraga wayang ing crita Ramayana. Ing pedhalangan Jawa, Anoman uga katon ing Mahabharata, amarga dheweke tansah nunggu Dasamuka nganti akhir jaman. Anoman wujude kaya kethek. Paraga iki klebu wayang-wayang Bayu.
Bab lan Paragraf |
[sunting] Dasanama
- Maruti = angin
- Anjaniputra = putrane Anjani
- Hanuman (versi India)
- Bayusiwi = putrane Bathara Bayu
- Bayudara = putrane Bathara Bayu
- Handayapati = nduwe daya/kekuatan kang gedhe banget
- Yudawisama = senopati perang
- Kapiwara = raja wanara
- Mayangkara = asmane nalika wis dadi pandhita/begawan
- Palwagaseta = wanara putih
- Prabancana = angin
- Senggana
[sunting] Wanara Hanuman
Ing versi Indhia, Anoman wujude wanara. Wanara dhewe seka tembung wana kang artine alas lan nara kang artine manungsa. Dadi, ing kana wanara dudu kethek, nanging sawijining makhluk ing antarane manungsa lan kethek, wujude manungsa nanging nduwe buntut. Ing Basa Jawa, wanara nduwe teges kethek.
Ing sawetara perangan India, ana kang muja Hanuman kaya dene dewa-dewa. Ana uga kang ngira yen paraga mistis Cina Sun Wukong asline Hanuman iki.
[sunting] Crita Wayang
Anoman iku putra Dewi Anjani seka Hyang Pawana utawa Bathara Bayu. Sawise lair, Anoman digawa menyang kahyangan Panglawungan dening Bathara Bayu. Sawise cukup umur banjur dipasrahake marang Sugriwa ing Guwa Kiskendha. Ing kene, dheweke dikanteni dening wanara kang nduwe swara endah, yaiku Kapi Saraba.
Anoman banjur mbela Rama nglawan Rahwana ngrebut Dewi Sinta. Ing lakon Anoman Obong, Anoman ngobrak-abrik Alengka lan ngobong kraton.
Bojone Anoman yaiku Dewi Urangrayung kang isih mbakayune Dewi Urangayu. Seka jejodhoan iki lair uga wanara putih Trihangga.
