blobe'e ke ponjo nixli tadni taxfu

From Wikipedia

lo ponjo galtu ckule tadni cu dasni lo tadni taxfu

lo ponjo galtu ckule tadni cu dasni lo blobe'e ke ponjo nixli tadni taxfu

ni'o lo blobe'e ke ponjo nixli tadni taxfu goi ko'a no'u la siryfukus. cu kampu ponjo bo ckule drani bo taxfu lo nixli lo jundi be lo midju ja galtu ckule be'o .i ko'a cu selfinti lo me la'o gy. Fukuoka Jo Gakuin University gy. ckule ralju no'u la .elezebet,lis. .i ko'a cu selmorna lo brito nolraitru bloti bilni blobe'e taxfu noi nu .ebu. lifri ke'a kei cabna le nu ri natmi tadni canja tu'i lo gligu'e

[edit] steci

ni'o ko'a simsa lo nanla je tadni taxfu no'u la gakuran. le ka simsa lo bilni bloti bende taxfu .i lo taxfu cu vasru lo fetsi creka fi'o kansa lo blobe'e taxfu karli ku .e lo cnici polje skaci .i ko'a citsi cenba fo lo crisa .e lo dunra fe lo ka birka kevna clani .i lo dasri cu jadni selylasna fi lo creka crane gi'e pagre lo creka clupa .i lo jadni cu cenba lo tarmi mu'a lo cnebo dasri .e lo skori clupa fi'o lasna lo jadni garna .i kampu dasri skari lo bloti bilni blanu .e lo blabi .e lo grusi .e lo xekri

ni'o lo cutci .e lo smoka .e lo drata tolralju taxfu cu sosyselvasru fi'o pagbu lo taxfu .i lo kansa smoka cu cafne skari lo bloti bilni blanu .a lo blabi .ije lo cutci cu cafne lo bunre je xekri tolylasna cutci .i so'o le melbi sanji nixli cu skari simsa krinu

[edit] kulnu ralju

ni'o ko'a cu slabu steci du'o lo purci tadni gi'e cafne kansa lo so'o raktu zifre citno .i lo fukpi blobe'e tadni taxfu cu misno salci taxfu ti'u la xalo,uen. .e lo drata salci fasnu gi'e selvecnu lo pagbu zarci .e lo salci taxfu zarci

ni'o lo za'i lo ckule manfo taxfu cu misno cinse dacti kei mukti le nu lo nalcnino blobe'e nixli tadni taxfu cu selcanja fo lo mipri zarci no'u la buruseras. ku'i lo nu lo ponjo flalu binxo cu krinu lo mipri zarci gundi cu nandu

ni'o ko'a cu sinxa lo zazmanfo du'o su'o lo citno gi'e selgalfi fa lo tadni poi ke'a fapro lo zazmanfo tepi'o lo zu'o jarco lo za'i pavmei je frica .i lo cebna cu vasru lo pu'u zebna ja jdika lo ka skaci clani kei .e lo pu'u polje lo creka birka kevna kei .e lo pu'u vimcu lo drasi .e lo pu'u punji selmipri lo tcita fi'o cnita lo karli .i so'o lo purci dekto nanca le du'u le nu carmi skari selcenba ko'a cu selpilno lo ponjo relxilma'e bende no'u la bosozykus.

ni'o le za'i ko'a .e lo drata ckule bo manfo bo taxfu cu vajni lo me la .otakus. kulnu .e lo ponjo cinse kulnu cu selkrinu le nu le barda cu selklani la .anemeis. e la meingas. e la daudjencis. sekai le du'u lo prenu selylisri cu dasni lo manfo taxfu .i di'e mupli liste .i

le misno me la .anemeis. no'u le blobe'e lunra cu selvidni lisri le du'u lo ralju prenu noi ke'a cu dasni lo pluja ke blobe'e ke ponjo nixli tadni taxfu cu taxfu fi le nu binxo lo nalrarna vlipa xamgu bo damba .i
le me la nugasaneid. blobe'e ke ponjo nixli tadni taxfu cu zgike selfinti lo me la .oniankos. bende de'i lo 198moi na'ardekto .i
le misno seltivni je skina no'u la sukeban,dekas. cu ckaji raktu cnino nixli .i
la enu,iacas. noi fetsi lisri bo jatna fi'o selcmene la kagome'eguracis. cu dasni ko'a