Tómas A. Tómasson
Úr Wikipediu, frjálsa alfræðiritinu
Tómas A. Tómasson (oft kallaður Tommi) er íslenskur veitingamaður og einn eiganda og stofnenda Hamborgarabúllu Tómasar. Áður rak hann keðju hamborgarastaða undir nafninu Tommaborgara en þeir veitingastaðir voru fyrstu eiginlegu skyndibitastaðirnir á Íslandi fyrir utan pylsusjoppa.
[breyta] Veitingarekstur
Tommi rak Festi í Grindavík frá 1974 til 1977. Að loknu námi í Bandaríkjunum í hótel- og veitingarekstri stofnaði hann Tommaborgara 14. mars 1981. Útibú spruttu upp út um allt land og urðu 26 talsins. Eftir þrjú ár hætti Tommi rekstri Tommaborgara, en síðan hefur hann rekið Hard Rock Café og Hótel Borg, auk þess sem hann stofnaði Kaffibrennsluna árið 1996 og sá um rekstur til ársins 2002. Þar fást enn hamborgarar sem kallast Tommaborgarar.
Þann 14. mars 2004, klukkan 11 fyrir hádegi, þegar 23 ár voru liðin frá opnun Tommaborgara, opnaði Tommi nýjan hamborgarastað sem heitir Hamborgarabúlla Tómasar. Búllan er staðsett í bátslaga húsi að Geirsgötu 1, en útibú hafa verið stofnuð við Bíldshöfða í Reykjavík, á Egilsstöðum (Miðvangi 13)og í Hafnarfirði (Reykjavíkurvegi 62).
[breyta] Heimildir
- „Hamborgarabúlla Tomma!“, grein úr Vesturbæjarblaðinu eftir Heiðu Eiríks. Sótt 3. maí 2006.
- „Hamborgarabúlla Tómasar - Bezt í heimi“. Sótt 3. maí 2006.