Quintus Claudius Quadrigarius

Úr Wikipediu, frjálsa alfræðiritinu

Quintus Claudius Quadrigarius (uppi á 1. öld f.Kr.) var rómverskur sagnaritari, sem skrifaði um sögu Rómar í riti sínu Annales (Annálar), sem var í a.m.k. 23 bókum. Frásögn Quadrigariusar hófst á innrás Galla árið 390 f.Kr. og náði a.m.k. fram yfir dauða Súllu og e.t.v. lengra.

Sagnaritarinn Títus Lívíus styðst m.a. við Quadrigarius sem heimild (frá sjöttu bók rits síns Ab urbe condita). Aulus Gellius vitnar orðrétt í alllangan kafla úr riti Quadrigariusar í verki sínu Attískar nætur (IX. 13), þar sem er lýst einvígi milli Rómverjans Títusar Manliusar Torquatusar og ónefnds Galla.

Stíll Quadrigariusar var fremur einfaldur og fornlegur og þótti þurr en rit hans var talið mikilvægt.

[breyta] Heimild

• Greinin „Quintus Claudius Quadrigarius“ á ensku útgáfu Wikipedia. Sótt 25. apríl 2006.

Þessi grein sem fjallar um fornfræðilegt efni er stubbur. Þú getur hjálpað til með því að bæta við hana

Þessi grein sem fjallar um sagnfræðilegt efni er stubbur. Þú getur hjálpað til með því að bæta við hana