Encyclopædia Britannica

Úr Wikipediu, frjálsa alfræðiritinu

Auglýsing frá árinu 1913 þar sem ellefta útgáfa Britannica er auglýst.

Alfræðiorðabókin Britannica (enska: Encyclopædia Britannica ) er elsta alfræðiorðabókarútgáfan á ensku um almenn málefni. Greinar hennar eru almennt taldar áreiðanlegar, nákvæmar og vel skrifaðar.

[breyta] Saga

Upphaflega var alfræðiorðabókin gefin út í Edinborg af prentaranum Colin Macfarquhar og leturgrafaranum Andrew Bell. Fyrsta útgáfan var í þremur bindum sem komu út, eitt á ári, 1768 til 1771. Ritið seldist vel og þegar komið var að fjórðu útgáfunni árið 1809 voru bindin orðin tuttugu. Á áttunda áratug nítjándu aldar flutti útgáfan frá Edinborg til London og varð hluti af samsteypu dagblaðsins The Times. Eftir elleftu útgáfu Britannicu, árið 1911, flutti hún á ný, nú til Chicago, þar sem hún komst í eigu Sears verslanafyrirtækisins. Hún er enn staðsett í Chicago, en síðan 1996 hefur eigandinn verið svissneski milljarðamæringurinn Jacqui Safra sem á líka Merriam-Webster orðabókina.

[breyta] Tengt efni

• Samningur Britannica við Menntamálaráðuneytið

[breyta] Tenglar

• Vefsíða Encyclopædia Britannica
  • Útgáfa Britannica sem Ísland hefur fullan aðgang að
• Skönnuð útgáfa af Encyclopædia Britannica frá árinu 1911
• Hluti 1911 útgáfunnar hjá Project Gutenberg.