Cascading Style Sheets
Úr Wikipediu, frjálsa alfræðiritinu
Cascading Style Sheets (CSS) eru sérstök snið sem notuð eru til að skilgreina umbrot og útlit stiklutexta á borð við SGML og XHTML. Stílsnið henta vel til aðskilnaðar innihalds og útlits þar sem innihaldi XML skjals eru gerð útlitstengd skil. Aðskilnaður innihalds og útlits var boðaður af W3C með XHTML staðlinum.
[breyta] Munur á HTML og XHTML/CSS
Í eldri útgáfum HTML var hægt að skilgreina rauðan texta sem svo:
<p color="red">Rauður Texti</p>
Í útgáfu 4.01 t.d. og öllum útgáfum XHTML þykir eðlilegra að skilgreina útlit textans í aðskildri CSS skrá með eftirfarandi hætti:
p { color: red; }
Og stiklutextin sjálfur lítur einfaldlega svona út:
<p>Rauður Texti</p>
Til að tengja skjölin tvö saman þarf að vísa í CSS skjalið innan <head> hluta (X)HTML skjalsins.:
<link rel="stylesheet" type="text/css" media="screen,projection" href="screen.css" />
[breyta] Kostir CSS
- Í media hluta dæmisins að ofan er miðill skjalsins er tilgreindur. Með þessu móti má aðgreina mismunandi útlit á sama innihald (XML/XHTML) fyrir t.d. prentverk eða lófatölvu og vísa þá í mismunandi CSS skjal fyrir hvern og einn miðil.
- Mun auðveldara er að uppfæra útlit yfir heilt vefsvæði þar sem öllum útlitstengdum reglum er haldið til haga í fáum skjölum.
- CSS býður upp á fullkomnari stjórn á útliti skjala.
- CSS býður upp á möguleika sem bæta aðgengi fatlaðra að innihaldi skjala.
- CSS minnkar í mörgum tilfellum stærð skjala.
