Mirza Delibasic
From Wikipedia
Mirza Delibasic naskis en la Bosniana urbo de Tuzla ye 9 di januaro 1954 e komenkis ludar korbobalono en l'equipo de Sloboda de 1968. Kurioze, ye ita yaro, Mirza divenis Bosniana championo di teniso por yuni. Ma ilua chefa interesto esis por la korbobalono e tale, ye 1972 ludeskis en la Bosna de Sarajevo. Hike, il partoprenis ye cirkum 700 oficala ludi, obtenante plu kam 14.000 punti por sua equipo. Ye 1978 ed 1980 sucesis vinkar la desfacila Yugoslavana konkurso. Pose, Mirza kontratesis da la Hispana Real Madrid ube il ludis de 1981 til 1983, kande sufris cerebrala infarkto qua minacis sua saneso dum sua cetera vivo.
Kom nacionala Yugoslavana ludisto, Mirza delibasic esis olimpiala championo en Moskva ye 1980, championo di mondo en Filipini ye 1978 ed championo di Europa ye 1975 ed 1977. Pos 1983, Mirza entrenis a sua equipo, la Bosna de Sarajevo dum ula yari, ma sua saneso plumaligabas singladie. Finale, Mirza Delibasic mortis en Sarajevo ye 8 di decembro 2001 evante 47 yari.
Kom maxim grava premii, Mirza Delibasic selektesis quarfoye kom "sportisto dil yaro" en Bosnia ed anke il konsideresas kom la Bosniana "sportisto dil yarcento".
