Yugoslavia

From Wikipedia

Yugoslavia jacis en Europa weste de Balkano en rivo di Adriatiko de 1918 til 1991. Vorto yug signifikas en Slava lingui 'sudo', do Yugoslavia signifikas c. 'lando di sudala Slavi'. Yugoslavia konsistis de nuna stati di Serbia, Montenegro, Macedonia, Bosnia e Herzegovina, Kroatia e Slovenia. Granda majoritato parolis ula Slava linguo. Maxim granda parto de populo esis Serbo-kroati (Serbi e Kroati) qui parolas preske sama linguo, ma Serbi uzas kirilika literi ed esas Greka-ortodoxi e Kroati uzas latinala literi ed esas Roma-katolikisti.

[redaktar] Rejio di Yugoslavia

Yugoslavia fondesis 1918 pos unesma mondo-milito, kande granda Austria-Hungaria krulis. Rejio di Serbia kombatis dum milito kun Cirkondanti Stati. Pos milito parti di Austria-Hungaria, i.e. Voivodina, Kroatia, Bosnia-Hercegovina e Slovenia esis anexita a Serbia. Anke Montenegro esis unionita a Serbia. Do nomo di nova stato esis en komenco Rejio di Serbi, Kroati e Sloveni (1918–1929). Tamen relati inter nacioni esis tensita e stato divenis en praktike diktaturo. En 1941 Germania ed Italia invadis la lando.

Reji di Yugoslavia

1. Petar 1ma de 1 di decembro 1918 til 16 di agosto 1921. Dum lua tempo kom viceregnanto esis princo Aleksandar.
2. Aleksandar 1ma de 16 di agosto 1921 til 9 di oktobro 1934. Ilu mortigesis en Marseille, Francia.
3. Viceregno, kom chefo esis princo Pavle de 9 di oktobro 1934 til 27 di marto 1941.
4. Petar 2ma de 27 di oktobro 1941 til 29 di novembro 1945 (en exilo de 14 di mayo 1941).

[redaktar] Socialista Federacio di Yugoslavia

Videz: Republiko Socialista Federala di Yugoslavia.

[redaktar] Federacio di Yugoslavia

Lasta Yugoslavia konsistis de Serbia e Montenegro. En komenco li formacis Federacio di Yugoslavia, ma depos 2003 la nomo di stato esis Serbia e Montenegro.

Depos 3 di junio 2006, Montenegro esas nedependenta di Serbia.

Nuna stati ke esis parto di anciena Yugoslavia
Bosnia e Herzegovina | Kroatia | Macedonia | Montenegro | (Serbia e Montenegro) | Serbia | Slovenia