Futbalo
From Wikipedia
Futbalo (anke konocita kom pedbalono) esas la maxim populara equipo-sporto dil mondo. Ol havas la maxim granda nombro di dilentanti e luderi. En landi di Europa, Afrika e Sud-Amerika, la futbalo esas pasiono. Milioni de personi spektas la ludi per televiziono e la quanteso de pekunio qua esas cirkum ica sporto esas tre importanta.
Singla kruo di futbalo havas 11 membri. Du krui disputas un ludo di 90 minuti dividita en 2 parti di 45 minuti singla.
La mondala administrerio dil futbolo esas FIFA (Fédération Internationale de Football Association), ma anke existas altra kontinentala administrerii sub la FIFA. Tale, por Europa existas la UEFA, por Afrika la CAF, por Nord-Amerika la CONCACAF e por Sud-Amerika la CONMEBOL.
Futbalo havas sua origino en Anglia dum 19ma yarcento e difuzesis tra la Europana landi pokope. FIFA kreesis ye l'unesma yari di 20ma yarcento e depos ica instanto, la populareso kreskis tra la tota mondo. Erste 1928 onu decidas kreor mondala konkurenco por nacionala equipi en Uruguay, la Kupo dil Mondo.
