Epiko
From Wikipedia
L’ epiko esas literaturala jenro. L' epiko naracas eventi reala od imaginita di qui la protagonisto esas l' autoro ipsa od altru. Ol esas esence objektala. Tradicione on expresis l' epiko verse, ma depos la mez-epoko la prozo pokope komencis preponderar en ol.
La precipua sub-jenri epikal en verso-formo esas:
- epikala poemo,
- epopeo,
- romanco,
- jesto.
Proze on dicernas precipue la sequanta sub-jenri:
- rakonto,
- novelo,
- romano,
- legendo.
L’ epikajo esas generala termino inkluzanta singla verko epikala. Segun ca kriterio ne nur epopeo, epikala poemo, romanco e jesto, ma anke rakonto, novelo e romano esas epikajo.
[redaktar] Versa sub-jenri dil epiko
- L’ epikala poemo naracas heroala prodaji kun la skopo gloriizar la patrio. Exempli: Eneido da Vergilio, La Luzidi da Camões.
- L’ epopeo es grandioza e solena epikala poemo qua naracas evento tre importanta por la homaro o manifestas la spirito di tota populo o civilizeso. Exempli: Ramayano da Valmiki, Iliado ed Odiseo da Homero, La Nibelungi (anonima) e La Kalevala da Elias Lönnrot. (Ula autori ne dicernas epopei de epikala poemi, nomante la sama verko lore epopeo lore epikala poemo.)
- La romanco esas poemo ek versi oksilaba kun asonancoza rimo en le para, qua deskriptas agi milital o kavalieratra.
- La jesto esas mez-epokala poemo qua naracas la prodaji di historiala o legendala heroi.
