Anna Lindh
From Wikipedia
Anna Lindh esis Sueda politikisto social-demokratista. El laboris kom ministro dil exterlandal aferi di Suedia, kande el mortigesis.
Lindh naskis ye 19 di junio 1957 proxim Stockholm, en Enskede. En 1970 el koheris Social-demokratista yun-organizuro (SSU). En 1977 el elektesis municipala deputanto ed en 1982 parlamentano. Samayare el finas sua studio en Uppsala divenante jurisprudencisto. Ye 1984 el elektesas prezidanto dil SSU.
Dum yari 1991–1994 el esis helpanta urbestro di Stockholm en domeno di kulturo e liber-tempo. De 1994 til 1998 el funcionis kom medio-ministro en rejimo di chef-ministro Ingvar Carlsson. Ye 1998 el nominesas kom ministro dil exterlandal aferi en rejimo di chef-ministro Göran Persson. El esis tre populara e laborema.
Ye 10 di septembro 2003 el eniras magazino kun sua amikino. Ibe Serbia-naskinta Mijailo Mijailovic frapas el per kultelo. Ye 11 di septembro el mortas en kliniko.
