Okra
From Wikipedia
?
Okra |
||||||||||||||
---|---|---|---|---|---|---|---|---|---|---|---|---|---|---|
Bulbulong ti okra, busel ti sabong ken naganus a bungana |
||||||||||||||
Panakaidasig iti Siensia | ||||||||||||||
|
||||||||||||||
Nagan a binomial | ||||||||||||||
Abelmoschus esculentus (L.) Moench |
Ti okra ket maysa a managsabong a mula iti familia Malvaceae a naisigud iti tropical nga Africa. Dati a maibilbilang kas species ti Hibiscus, ngem naidasig itan iti genus Abelmoschus. Ti balikas nga "okra" ket nagtaud iti Africano a pagsasao.
Ti okra ket tinawen a mula wenno patinayon (perennial) a muyong a mula, a dumakkel agingga iti dua a metros a katayag. Ti bungana ket immarantiddog a nagkuntirad, 5 agingga 20 a centimetros a kaatiddog, nga addaan iti adu a bukbukel.
Maimulmula ti okra kadagiti tropical ken nabara a depdeppaar iti lubong kas tarao a nateng. Nayallatiw iti Estados Unidos babaen ti komersio ti Africano nga adipen, ket mabalin a maimula kadagiti umabagatan nga estado kas tinawen a mula. Maysa met ti okra kadagiti kalatakan a nateng iti naladaw a maika-20 a siglo a panagluto dagiti Japones. Iti met panagluto a Palestina, iti Jordan ken dadduma pay a paset ti dumaya a Mediterraneo, ti okra ket maar-aramid a napalet a luto a masagpawan iti dadduma pay a natnateng ken karne. Iti Filipinas, nangruna iti Kailokuan, maysa a ramen ti okra iti pinakbet dagiti Ilokano ken gagangay a mailingta wenno maituno ti okra a maensalada wenno maisawsaw iti bugguong.
[baliwan] Nagibasaran
Categories: Pangted | Botania | Mulmula | Natnateng