Jose Burgos
From Wikipedia
Ni Jose Apolonio Burgos, (Febrero 9, 1837--Febrero 15, 1872), ket maysa nga Filipino-Espaniol a padi a kasali iti tallo a papadi a maaw-awagan iti "Gomburza" a binitay dagiti autoridad nga Espaniol iti Filipinas iti Bagumbayan, Manila idi maika-19 a siglo, iti pammabasol a kakumplotda iti Panagalsa iti Cavite nga inrusuat dagiti bumusbusor iti kolonial a turay nga Espaniol idi Enero 20, 1872 (da Padre Mariano Gomez ken Padre Jacinto Zamora dagiti kakaduana).
Nayanak ni Padre Burgos iti Vigan, Ilocos Sur. Maysa nga oficial nga Espaniol ti amana, ni Don Jose Tiburcio Burgos ken maysa a mestiza ti inana a ni Florencia Garcia. Nagbasa iti Colegio de San Juan de Letran ken iti Universidad ti Santo Tomas a nakagun-odanna iti tallo a di graduado a degree nga addaan pammadayaw, dua a a masterado a degree ken dua a doctorado a degree. Inannongna ti umuna a misana iti Intramuros, Manila.
 |
Daytoy nga articulo ket maysa a pangted. Makatulongka iti Wikipedia babaen ti panangnayon wenno panangtarimaan iti daytoy nga articulo. |
