Sistema diédrico
Na Galipedia, a wikipedia en galego.
O sistema diédrico é un sistema de representación xeométrica dos elementos do espazo sobre un plano, é dicir, reducindo as tres dimensións do espazo ás dúas dimensións do plano, utilizando unha proxección cilíndrica ortogonal, sobre dous planos que se cortan perpendicularmente. Para xerar as vistas diédricas, un dos planos se abate sobre o segundo.
As proxeccións ou vistas usualmente empregadas denomínanse alzado (visto o obxecto de fronte) e planta (visto o obxecto desde arriba) ás que en ocasións se engade, por claridade, unha terceira denominanda perfil. O sistema diédrico é o universalmente empregado en arquitectura e enxeñería especialmente nos planos de cotas e de despece.
Segundo as proxeccións estean reflectidas ou non no plano do debuxo, existen dous sistemas de representación:
- Sistema europeo: As proxeccións recóllense tralo obxecto.
- Sistema americano: As proxeccións reflíctense desde o obxecto.
Aínda que en ambos sistemas as proxeccións (representacións do obxecto) son exactamente as mesmas, a súa disposición no plano do debuxo é a contraria.
