Sexo
Na Galipedia, a wikipedia en galego.
Sexo (do latín sexus, e este, á súa vez, do verbo secar, «cortar») ten varios significados:
Índice |
[editar] Xénero
Véxase tamén: xénero
Na maioría das especies, os membros poden dividirse en dous grupos, diferenciados polo seu sexo ou xénero. Polo xeral, existen dous sexos: macho e femia (no caso da especie humana utilízanse preferentemente os termos masculino e feminino). Esta distinción depende do órgano sexual do individuo, distinto para cada xénero, e é fundamental en bioloxía, posto que a existencia de dous sexos distintos fundamenta o principio da reprodución das especies, que pode ter lugar pola copulación de dous individuos de sexos opostos, xa que non tódalas especies con reprodución sexual copulan (a cópula ou coito é un acto de reprodución que se define pola introdución do órgano reproductor masculino -ou pene-, no sistema reproductor feminino -a vaxina-, de forma tal que poida os gametos poidan chegar finalmente ao gameto feminino e producir a fecundación)..
Non tódalas especies presentan diferenciación sexual (especies dioicas). Aquelas que non teñen esta diferenciación denomínanse especies monoicas.
[editar] Sexualidade
Véxase tamén: Sexualidade Humana
A palabra sexo refírese tamén á sexualidade en xeral.
[editar] Acto sexual
Artigo principal: Acto sexual
Utilízase tamén para referirse a actos relacionados coa reprodución ou o pracer sexual acompañado dalgúns xogos sexuais ou facendo posible algunha fantasía.
[editar] Órgano sexual
A palabra sexo tamén se utiliza para facer referencia ao órgano sexual, masculino ou feminino.
No caso dos mamíferos, ao xenital do varón chámaselle pene e ao da femia vaxina.
Existe unha gran cantidade de nomes para referirse aos órganos xenitais humanos. Por pudor de utilizar termos demasiado explícitos, obxecto dun certo tabú social, utilízanse perífrases ou termos propios de certos rexistros lingüísticos. Así e todo, en galego non se deben considerar os vocábulos pirola e cona como voces obscenas ou groseiras, pois esta apreciación, aplicada a estas palabras, é unha influencia do castelán.
Véxase tamén: Teoría da evolución | ISO 5218
