Monte Ararat

Na Galipedia, a wikipedia en galego.

Großer Ararat (Mitte) und Kleiner Ararat (links) (Landsat, NASA)

Monte Ararat
O Monte Ararat, co pequeno Ararat á dereita (Landsat, NASA)
Elevación:	5165 metros
Latitude:	39° 42′ 0″ M
Lonxitude:	44° 17′ 0″ E
Localización:	Turquía
Cordilleira:	Cáucaso
Primeira acensión:	27.09.1829, J. J. Friedrich Parrot xun. e 4 estudantes
Rota máis fácil:	Igdir (sur)
Localización do Monte Ararat

O Monte Ararat (turco Ağrı; armenio Արարատ; persa آرارات; hebraico אררט, Hebraico standard Ararat, Hebraico Tiberiano ʾĂrārāṭ), a máis alta montaña da moderna Turquía, é un cone vulcánico coberto de neves eternas e localizado no extremo nordés da Turquía, a 16 km a oeste do Irán e a 32 km ao sur da Armenia. O Xénese identifica esta montaña como o lugar onde a Arca de Noé pousara en terra firme despois de o Diluvio.

[editar] Xeoloxía

Un cono un pouco menor (3896 m), o Pequeno Monte Ararat, situase ao sudoeste do pico principal. O leito de lava espallase entre os dous picos. Técnicamente, o Monte Ararat é un estratovulcán, formado de correntes de lava e exección piroclástica.

Nunca se rexistrou nengunha erupción no Monte Ararat, mais supónse que teña habido erupcións nos últimos 10000 anos. Distante de calquer placa continental, a causa do vulcanismo do Monte Ararat non é ben comprendida polos cientificos.

[editar] Acensión

O Monte Ararat foi escalado pola primeira vez o 27 de setembro de 1829, por Johann-Friedrich von Parrot xun., Reitor da Universidade Dorpat (Estonia), acompañado de catro estudantes.

[editar] A Arca de Noé

Na fin da década de 1950, causaron gran alborozo científico uns vestixios coa forma dunha embarcación en fotos aéreas do Ararat, ata que algunhas expedicións identificaron eses vestixios como efectos topográficos e lava.

[editar] O Ararat e a Armenia

A pesar de estar localizado na Turquía, o Monte Ararat é o símbolo nacional de Armenia, onde ás veces se chama Masis (Մասիս), e aparece no centro do brasón da Armenia. A montaña é perfeitamente visible de varios pontos da Armenia, incluindo a capital Iereván (da Armenia, o Ararat é máis ben visible do monasterio Khor Virap), e representase frecuentemente en obras de artistas.