Luis Freire García
Na Galipedia, a wikipedia en galego.
A Coruña 1914 - Vigo 1997 Botánico, micólogo.
Criouse entre os 3 e os 12 anos en Vilalba, coa súa familia pero en casa dos seus avós, voltando despois á Coruña. Estudou por libre o bacharelato elemental en só dous anos, despois fixo a reválida e o b. superior. Posteriormente desenvolveu a afección polo estudo dos insectos, arañas e plantas.
Comezou Bioloxía na Universidade de Santiago ós 57 anos, rematando en catro anos (1975) e realizando posteriormente a tese de licenciatura e a tese doutoral, no 1981, sobre "Macromicetos da Selva Negra". Impartiu clases de Botánica e codirixiu cinco teses de licenciatura sobre flora e micoloxía de Galicia mentras preparaba a súa doutoral, ás que hai que engadir outras oito máis posteriormente. Publicou máis de 40 artigos, 4 libros e dirixiu dúas teses doutorais de temática micolóxica.
Foi membro fundador da Sociedade galega de Historia Natural, do Grupo Botánico galego, do Grupo Micolóxico galego e da Asociación de Amigos da Casa das Ciencias.