L. L. Zamenhof
Na Galipedia, a wikipedia en galego.
O doutor Ludwik Lejzer Zamenhof (1859-1917) foi o creador da lingua internacional esperanto.
Zamenhof criouse na cidade de Bialystok (que naquela época formaba parte do Imperio ruso mais na actualidade pertence a Polonia). Nela falábanse moitas linguas, polo que había dificultades para a comprensión entre as diversas culturas. Isto motivouno para buscar unha solución ao problema, e co paso dos anos foi desenvolvendo o esperanto nun proceso longo e laborioso. Continuou cos seus esforzos a pesar de que no ano 1879 tiña aparecido o volapük, resultado do traballo doutra persoa, Johann Martin Scleyer, nun proxecto de crear unha lenguaxe internacional. Zamenhof aprendeu o volapük, mais os defectos desta lingua motiváronno mesmo máis para proseguir co seus planos. Finalmente, no ano 1887 e coa axuda económica de seu cuñado, logrou publicar un libriño no que espuña os principios da "Lingua Internacional", co pseudónimo de Doutor Esperanto, palabra que acabou por converterse no nome da sua creación.
Zamenhof morreu en Varsovia en 1917. Os seus tres fillos foron asasinados polos nazis durante a Segunda Guerra Mundial (os Zamenhof eran unha familla xudea).