Kat Bjelland
Na Galipedia, a wikipedia en galego.
Katherine Bjelland (nacida o 8 de decembro de 1963) foi a cantante e guitarrista da banda de rock Babes in Toyland. Tamén foi cantante e guitarrista da banda Katastrophy Wife.
[editar] Biografía
[editar] Primeiros anos
A pesares de asociar a Bjelland coa escena musical da cidade de Minneapolis, ela realmente naceu en Salem, Oregon e medrou en Woodburn, Oregon.
Ela asistíu á Woodburn High School onde foi unha popular estudante e cheerleader. Nesa época foi cando Bjelland comezou a interesarse pola música. Un tío seu foi o que a incitou a tocar a guitarra, e a súa primeira actuación foi nun pequeno bar desa cidade chamado Flight 99.
[editar] Carreira temprana
Pouco despois da súa graduación no instituto a principios dos 80, Bjelland mudouse a Portland, Oregon, onde formou varias bandas. Primeriro The Neurotics e posteriormente outra formada só por mulleres chamada The Venarays.
Despois de saír de The Venarays, Bjelland formou unha banda cunha nova amiga, Courtney Love, e coa baixista Jennifer Finch. Love saíu para formar Hole, mentres que Finch de L7. A banda tivo varios nomes, incluíndo Sugar Babylon, Sugar Babydoll e Sugar Bunnyfarm.