Frey
Na Galipedia, a wikipedia en galego.
Nome propio. Deus nórdico da fertilidade, da familia dos Vanes (Vanir, na lingua orixinal).
Índice |
[editar] Nomes
Frey, tamén chamado ”Freyr”, recibe, entre outros apelativos, o de “Deus do Mundo” e, trala fusión dos Aesir e os Vanir, ”Señor dos Aesir”. Posto que a súa bendición concede abundancia e crecemento en resposta ó traballo e ó esforzo, podémolo atopar baixo o nome de "Dador de riquezas" ou "Deus do Éxito".
[editar] Historia
Frey é o deus do amor e maila fertilidade, sendo invocado para garantizar a fertilidade do matrimonio. É ó mesmo tempo deus da paz e un valente guerreiro. Como deus da paz, é o dador da chuvia benefactora, do bo tempo, e patrón das colleitas abundantes. Asimesmo, é o soberano dos elfos da luz de Alfheim. Freyr é o más bello e o máis importante dos membros masculinos dos Vanir.
[editar] Xenealoxía
Fillo do deus do vento e dos mares Njord e da xiganta Skadi, é irmán de Freya e está casado ca fermosa xiganta Gerd. O seu matrimonio foi posible gracias á axuda do seu escudeiro Skimir, quen lle pediu a cambio do servicio a súa espada.
[editar] Atributos
Frey posse un carro feito polos ananos Brok e Eitri , carro que é tirado por dous xabaríns máxicos chamados Gullinbursti e Slidrugtanni. Moitas veces, podemos ver ó deus surcar velozmente os ceos e os mares, montado no seu xabarín dourado Gullinbursti. Freyr tamén posúe un barco máxico fabricado por ananos, Skidbladnir (cuchillas de madeira), que sempre tiña o vento ó seu favor cando se izaba a vela, navegando veloz e directamente ó seu destino por terra, mar ou aire, e que podía plegarse, quedando reducido a un tamaño tal, que cabía no peto do seu dono. Outra das súas posesións era unha espada máxica que se desenvainaba e loitaba soa, espallando ó seu redor unha auténtica carnicería seguindo os desexos do seu dono. Como Frey regalou esta espada ó seu escudeiro Skimir, presentarase desarmado á gran batalla do Ragnarök, polo que será o primeiro dos deuses en morrer, a mans do xigante do lume Surt’.