Baldo Martínez

Na Galipedia, a wikipedia en galego.

Baldo Martínez, natural de Ferrol, contrabaixista e compositor, realizou estudos musicais no Conservatorio da Coruña e no Municipal de Barcelona. Comezou os seus estudos de Contrabaixo co profesor Fernando Sala e continuou profundando na técnica do instrumento con David Thomas e Todd Coolman, tamén estudou harmonía enfocada ao Jazz con este último e con Bill Dobbins. É membro fundador de dous dos grupos mais importantes na historia do Jazz en España: "Clunia Jazz" e "Zyklus".Con Clunia grava o seu primeiro disco, Clunia Jazz en 1982, únese á formación o saxofonista, xa desaparecido, Antonio Cal. En 1983 obteñen o Segundo Premio no Concurso Internacional do Festival donostiarra e participan nas primeiras Xornadas de Jazz de Santiago de Compostela xunto a Tete Montoliu. Son galardonados co Primeiro Premio no Concurso Internacional do Festival de San Sebastián en 1985 pola sua interpretación acompañando á cantante portuguesa Maria João. En 1987 participan en París como representantes do jazz español na exposición "Cinco séculos de arte española", no Museo de Arte Contemporánea de París.

Tras a disolución de Clunia, comeza a súa carreira en solitário con No País dos Ananos. A revista Cuadernos de Jazz considerouno segundo mellor disco de 1996 co seu segundo disco quedarán entre os cinco primeiros. Traballa co trío de Anxo Louro e a Banda do Foro con quen grava o disco Jazzhondo co cantaor invitado Paco do Pozo.

No ano 99 emprende un novo proxecto que apresentará no Festival de Jazz de Guimarães, o Projecto Minho, música de Galiza e Portugal interpretada por nove músicos de ambos lados da raia.

Na súa formación actual, o Baldo Martínez Grupo está integrado por:

David Herrington Trompeta

Eduardo Ortega Violino

Antonio Bravo Guitarra

Pedro López Batería e Percusión

[editar] Discografía

Clunia Jazz

"Clunia Jazz" Citola, 1983
"XVIII Festival Internacional de Jazz de San Sebastián" 1983
"Afueras Periódicas" Jazz Stop, 1984
"XX Festival Internacional de Jazz de San Sebastián" con María João 1985
"Rua Cega" Edigal 1986
"Carpediem" Sons Galiza 1995

Baldo Martínez Grupo

"No País dos Ananos" Karonte, 1996
"Juego de Niños" Karonte, 1998
"Nai" Karonte, 2001
"Zona acústica I" Xingra.com 2003
"Tusitala" Karonte, 2005

Zyklus

"Interface" Zyklus 1991
"Nude" Hyades Arts, 1994

BAC Trio

"Ya" Ingo, 2002

Outros

"XXI Festival Internacional de Jazz de San Sebastián" Baio Ensamble 1986
"Temura" Javier Paxariño 1994
"Esquizodelia" Clonicos 1995
"Jazzhondo" Angel Rubio 1998
"Núcleo" José Luis Gutiérrez 1998
"Folklore Imaginario" Alissa Publishing/PRS, 2005. Co saxofonista italiano Carlo Actis Dato