Caisleán an Bharraigh
Ón Vicipéid, an chiclipéid shaor.
| Caisleán an Bharraigh | |
|---|---|
 |
|
| Learscáil | |
  WGS-84 (Comhordanáidí GPS)
53.8608° N 9.29880° W Comhórdanáidí Eangach Náisiúnta na hÉireann M146905 |
|
| Daonra an bhaile: | 10,287 (2002) |
| Daonra thuathúil: | 2,180 (2002) |
| Airde: | 49m |
| Contae: | Contae Mhaigh Eo |
| Cúige: | Connachta |
Is é Caisleán an Bharraigh (i mBéarla, Castlebar) príomhbhaile Chontae Mhaigh Eo, agus é suite i lár an chontae. Tá daonra timpeall 10,000 ann. Tá abhainn bheag a shruthann tríd an baile.
Clár ábhair |
[athraigh] Gnó
Tá gnó mór táirgeála ag Baxter International sa bhaile. Sna nóchaidí, cuireadh craobh de Institiúd Teicneolaíochta Ghaillimh agus Mhuigh Eo ar bun sa bhaile. Cuireadh go mór le oispidéal an chontae, Osipidéal Ginearálta Chaisleáin an Bharraigh, san nóchaidí. Leis sin go léir, tá forbairt thar an gnás ar an mbaile le deich mbliain anuas, agus tá Aldi na Gearmáine, Tesco, Dunnes Stores, agus siopaí móra Shasana agus na mór-roinne anois sa bhaile.
[athraigh] Caitheamh Aimsire
Cuireadh Craobh Saoil Tíre de Mhúsaem Náisiúnta na hÉireann ar bun sa Túrloch ar imeall an bhaile go déanach sna 1990í.
[athraigh] Iompar
Tá líne traenach as Baile Átha Cliath, a leanann ar aghaidh go Cathair na Mart, le líne eile go Béal an Átha. Tá Aerfort Chnoc Mhuire, ar a dtugtar Aerfort Idirnáisiúnta an Mhonsignor Horan freisin, lámh le Baile Chathail, tuairim is 30 km soir ón mbaile.
[athraigh] Stair
Leath an baile timpeall an chaisleáin de Barra san 11ú aois, agus cuireadh garastún Sasanach ann níos déanaí. Leanann beairic míleata sa bhaile inniu féin. Ní ionadh, mar sin, go raibh coimhlint airm i lár staire an bhaile. Bhí an scrios ar gharastún Sasanach an bhaile i rith Éirí Amach 1798, le cuidiú fhórsaí Francacha faoin Ghinearál Humbert, chomh trom sin gur tugadh Rásaí Chaisleáin an Bharraigh air. Fógraíodh Poblacht Chonnacht an-ghairid i ndiaidh an bhuaidh, agus ainmníodh úinéir talún áitiúil, John Moore, mar uachtarán air. Tá a chorp curtha i gcoirnéal de fhaiche an bhaile, ar a dtugtar an Mall, an áit a raibh na ceannairí eile don cheannairc croctha.
