Wikipedy:Skiednis fan Wikipedia
It begjin fan de Wikipedia wie in petear tusken twa âlde ynternetfreonen, Larry Sanger, haadredakteur fan Nupedia en Ben Kovitz, in kompjûterprogrammeur en bêta-wittenskipper, op de jûn fan 3 jannewaris 2001 yn San Diego, Kalifornje. Kovitz wie op dat stuit dwaande mei in oar wiki-projekt, en doe't hy it konsept oan Sanger útlei, betocht dy fuortendaalks dat in wiki tige geskikt wêze koe foar it opsetten fan in projekt dat iepener, en net sa formeel, wie as Nupedia. Fjouwer moanne earder hiene Sanger en syn baas Jimmy Wales, presidint-direkteur fan Bomis, Inc., al ris praat oer op hokfoar wize njonken Nupedia in iepener, oanfoljend projekt te begjinnen wie. Dus wie it net sa'n probleem foar Sanger en bepraat Wales en begjin in wiki foar Nupedia. Nupedia's earste wiki waard aktyf op 10 jannewaris 2001. Mar fan de kant fan de skriuwers en redakteuren fan Nupedia kaam protest tsjin in plan om Nupedia sa bot oan in webstee yn wikifoarm te ferbinen. Dêrom krige it nije projekt op 15 jannewaris de namme 'Wikipedia', en in eigen adres op it web.
Troch publikaaksjes op it ynternet is it tal dielnimmers hurd omheech gongen. Sykmasines en oare webportealen stjoere noch hieltyd mear minsken nei de Wikipdia.. Op 12 februaris 2001 wie de earste mylpeal helle: 1000 siden. De 10.000 waard helle op 7 septimber 2001, en it tal nije siden boaze mar oan. Yn desimber 2002 hat de Ingelsktalige it oarspronklike doel fan 100.000 siden helle, mar dêrmei soe it net ophâlde....
[bewurkje seksje] Wikipedia ynternasjonaal
De earste, en ek de grutste fan de Wikipedyen is dus de Ingelsktalige wikipedy. Yn maaie 2001 is de Wikipedia begûn mei oare talen, en op it ein fan dat jier wienen der al sa'n achttsjin oare Wikipedyen. Hoe grut al dy Wikipedyen no binne kinne jo yn de (Nederlânske) Wikipedy statistyken lêze. Yn elts gefal helle de Wikipedia op 14 septimber 2004 om 21.55.16 de miljoenste side: he:דגל_קזחסטן.
[bewurkje seksje] De Fryske Wikipedy
Dizze Fryske Wikipedy is begûn op 2 septimber 2002. Oan't no ta rûn it hjir noch net sa hurd, mar krekt as de oare wikipedyen wurdt dit úteinlik in folsleine ensyklopedy. Utopysk? Och nee, want wat mear minsken as der meidogge, wat hurder as it giet. It spul moat oan it rôljen brocht wurde, dus siz it fierder! Sjoch ek Wikipedy:Meiwurkje oan de Fryske Wikipedia en Werom soe ik meidwaan?.
[bewurkje seksje] Wa binne de minsken efter de Wikipedia?
Bomis, Inc betelle yn't earst twa minsken, de oprjochters fan Wikipedia Larry Sanger en Jimmy (Jimbo) Wales, de eigner fan Bomis, om oan it projekt te wurkjen en der in soarte fan lieding oan te jaan. Letter is Larry Sanger gewoan frijwilliger wurden by Wikipedia. Jimbo Wales hat hieltyd noch spesjale ferantwurdlikens en sjoch der op ta dat it projekt bliuwt sa't it bedoeld wie. Yn de rin fan de tiid binne oaren meiferantwurdlik wurden.
Op de Frysktalige Wikipedy kinne de minsken fan Bomis fansels net sa maklik sjen of alles noch giet sa't it bedoeld wie, om't se de taal net lêze kinne. Dus eltsenien dy't meidocht is hjir in bytsje meiferantwurdlik foar it rinnen fan it projekt. (Mar sjoch it Foarbehâld.) Diskusjes oer de foarm en ynhâld dy't mear as ien wikipedy oangean, wurde fiert op de oanbelangjende Ingelsktalige oerlissiden (sjoch ûnderoan harren haadside). Belied, rjochtlinen, en dat soarte fan dingen wurde behannele op de Wikipedia diskusjelisten.
Sjoch ek de FAQ.
